Муҳокимаи масъалаҳои зеҳнӣ

Душанбе, 9 апрел. (АМИТ «Ховар», Покиза Маҳмадбекова). – 7 апрел дар Палатаи савдо ва саноати Ҷумҳурии Тоҷикистон семинар – маросими муаррифӣ намудани Лоиҳаи «Хидматрасонӣ дар бахши моликияти зеҳнӣ барои корхонаҳои тиҷорати хурду миёна» баргузор гардид. Тавре дар ПСС ҷумҳурӣ ба АМИТ «Ховар» хабар доданд, мақсад аз ин лоиҳа иборат аз дастгирии иттилоотӣ, роҳандозии тадбирҳо барои такмилу рушди истифодаи омилҳои моликияти зеҳнӣ аз ҷониби корхонаҳои хурду миёна мебошад. Иштирокдорони семинар масъалаҳои ҳифзи ҳуқуқии моликияти зеҳнӣ ва хусусияти таҳқиқи ниҳодҳои моликияти зеҳниро мавриди муҳокима қарор доданд. Лоиҳаи «Хидматрасонӣ» — ро Иттиҳоди Аврупо оид ба барномаи сармоягузории Осиёи Марказӣ бо иштироки палатаҳои савдо ва саноати Тоҷикистон, Қазоқистон, Қирғизистон ва Ӯзбекистон маблағгузорӣ мекунад.