Муҳокимаи масъалаи таъмини об ва санитария
Душанбе, 24 апрел. (АМИТ «Ховар», Кристина Эрлих). – 26 апрел дар шаҳри Душанбе ҷаласаи 12 – уми Шабакаи созмонҳои оид ба таъмини устувори об ва санитария баргузор мегардад. Дар ин бора мутахассиси бахши равобит бо лоиҳаи ҷамъиятии «Таъмини об ва санитария» — и намояндагии Оксфам дар Тоҷикистон Дилафрӯз Усмонова ба АМИТ «Ховар» хабар дод.Дар ҷаласа намояндагони сохторҳои давлатӣ, бахши инфиродӣ, созмонҳои байналмилалию ғайриҳукуматӣ иштирок менамоянд. Рӯзномаи ҷаласа иборат аз гузориш дар бораи Форуми умумиҷаҳонии об буда ва мақсад аз он ҷустуҷӯи роҳҳои ҳалли масоили ҷаҳонии бахши об мебошад. Ғайр аз ин иштирокдорони ҷаласа бо стратегияи экологии Бонки аврупоии бозсозӣ ва тавсеа шинос мешаванд.