Мулоқоти Қ. Расулзода бо сафири Белорус
Душанбе, 26 апрел. (АМИТ «Ховар», Бекназари Абӯбакр). — Имрӯз раиси вилояти Суғд Қоҳир Расулзода бо Сафири Фавқулодда ва Мухтори Ҷумҳурии Белорус дар Ҷумҳурии Тоҷикистон Олга Гаврук мулоқот анҷом дод. Қоҳир Расулзода ташрифи сафирро дар эҳёи робитаҳои собиқа, ки барои рушди ҳамкориҳо мусоидат менамоянд, басо муҳим шуморид. Ӯ бо номи яке аз фарзандони шуҷои тоҷик- Домулло Азизов, Қаҳрамони Ҷанги Бузурги Ватанӣ номгузорӣ шудани яке аз мактабҳои Ҷумҳурии Белорусро тасдиқи муносибатҳои неку собиқадори ду кишвар баён кард. Ҳамчунин густариши минбаъдаи ҳамкориҳои вилояти Суғдро бо тамоми минтақаҳои Ҷумҳурии Белорус, аз ҷумла дар соҳаҳои мошинсозӣ, мебелсозӣ, коркарди маҳсулоти чармӣ ва саноати хӯрокворӣ зарур шуморид.Олга Гаврук қайд намуд, ки Ҷумҳурии Белорус аз бузургтарин истеҳсолкунандаи техникаи хоҷагии қишлоқ ба ҳисоб рафта, 8 фоизи тракторҳои дар ҷаҳон истеҳсолшавандаро таъмин мекунад. Ғайр аз ин 3 фоиз мошинолоти бузурги кӯхканиро низ ин кишвар ба бозори ҷаҳонӣ содир менамояд. Дар истеҳсоли маҳсулоти хоҷагии қишлоқ аз қабили панир, равғани растанӣ ва қанд мавқеи устувор дорад. Ҳамчунин дар мулоқот ҷиҳати мустаҳкам намудани ҳамкориҳои илмиву фарҳангӣ таваҷҷӯҳ зоҳир намуда, дар тамоми самтҳо омода будани Ҷумҳурии Белорусро бо вилояти Суғд изҳор дошт.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар поёни мулоқот созишномаи дуҷониба ҷиҳати вусъати ҳамкориҳои судманд ба имзо расид.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






