Мулоқоти М. Убайдуллоев бо митрополит
Душанбе, 4 апрел.(АМИТ «Ховар», Марзия Саидова).- Имрӯз раиси шаҳри Душанбе Маҳмадсаид Убайдуллоев митрополит Викентий- сардори ҳавзаи Осиёимиёнагии митрополити Калисои православии русро бо хоҳиши ӯ ба ҳузур пазируфт. Маҳмадсаид Убайдуллоев митрополит Викентийро, ки ҳамзамон садорати митрополити Калисои православии рус дар Душанбе ва Тоҷикистонро ба ӯҳда дорад, барои таъин шуданаш ба ин вазифа шодбош гуфта, изҳори боварӣ кард, ки идомаи фаъолияти ӯ ба ин вазифа баҳри таҳкими фазои ҳамзистии осоиштаи мӯътақидони дини насронӣ ва кулли пайравони намояндагони дину мазҳабҳои гуногун, ки дар Душанбе иқомат доранд, мусоидати бештар менамояд. Митрополит Викентий аз пазироӣ ва мӯҳтавои мулоқот бо Маҳмадсаид Убайдуллоев изҳори сипос намуда гуфт, ки ҷониби ӯ тамоми зарфиятҳояшро барои густариши ҳамзистии осоиштаи пайравони дини насронӣ бо дигар намояндагони таркиби иҷтимоию динии шаҳри Душанбе ва Тоҷикистон равона хоҳад кард.Шавкат Саидов, котиби матбуоти раиси шаҳри Душанбе ба АМИТ «Ховар» иттилоъ дод, ки мулоқот дар фазои хусни тафоҳум ва созанда сурат гирифта, дар он Юрий Попов, сафири фавқулодда ва мухтори Федератсияи Русия дар Тоҷикистон ҳузур дошт.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






