Мулоқоти вазири корҳои хориҷии ҶТ бо сафири ҶМЧ

Душанбе, 10 апрел. (АМИТ «Ховар», Пайрав Назаров). – 9 апрел вазири корҳои хориҷии Ҷумҳурии Тоҷикистон Ҳамрохон Зарифӣ дар шаҳри Душанбе бо сафири фавқулодда ва мухтори Ҷумҳурии Мардумии Чин Фан Сянжун мулоқот анҷом дод.Дар ҷараёни мулоқот ҷонибҳо аз сатҳи баланди таҷлили «Наврӯз — 2012» ва «Конфронси панҷуми ҳамкории иқтисодии минтақавӣ оид ба Афғонистон» изҳори қаноатмандӣ намуданд.Ҷонибҳо масъалаҳои хамкории минтақавиро мавриди муҳокима қарор дода ва аз рӯи масъалаҳои муҳиме, ки диққати тарафайнро ба худ ҷалб мекунанд, табодули афкор намуданд.Дар ин бора аз Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд.