Мусодираи маводи нашъаовар дар Суғд

Душанбе, 10 апрел. (АМИТ «Ховар», Лутфия Эшонқулова). – Кормандони раёсати Агентии назорати маводи нашъаовари назди Презхиденти ҶТ дар ноҳияи Мастчоҳи вилояти Суғд қариб 4 килограмм маводи нашъаоварро мусодира намуданд.Тавре дар агентии мазкур ба АМИТ «Ховар» хабар доданд, дар ҷараёни амалиёти ҷустуҷӯи фаврӣ мошини сокини 34 – солаи шаҳри Истаравшан боздошта шуд. Ҳангоми аз назаргузаронии мошин аз он 5 бастаи дорои маводи нашъаовар пайдо гардид, ки вазни умумии он 4 килограммро ташкил медиҳад.Дар натиҷаи амалиёти иловагӣ иштирокчии дигари ин ҷиноят сокини 42 – солаи ноҳияи Мастчоҳ низ дастгир шуд. Шӯъбаи тафтишоти раёсати мазкур аз рӯи ин ҳодиса парвандаи ҷиноӣ кушода, шахсони дастгиршуда дар боздоштгоҳи муваққатии раёсати Агентии назорати маводи нашъаовар дар вилояти Суғд қарор доранд.