Намоишгоҳи байналмилалии Душанбе

Душанбе, 26 апрел. (АМИТ «Ховар», Покиза Маҳмадбекова). – Имрӯз, 26 апрел, дар маҷмаи давлатии «Коҳи Борбад» — и шаҳри Душанбе Намоишгоҳи саноатию тиҷоратии байналмилалӣ кушода шуд.Намоишгоҳро ширкати «Тоҷ Экспо» дар радифи ҳамкорӣ бо Палатаи савдо ва саноати Тоҷикистон ва дастгирии Ҳукумати Тоҷикистон доир намудааст.Дар намоишгоҳ беш аз 20 ширкати Тоҷикистон, Чин, Фаронса, Олмон, Эрон, Туркия маҳсулоти худро ба маърази намоиш мегузоранд.Муовини раиси Палатаи савдо ва саноати ҶТ Ҳасаналӣ Карамалиев дар маросими ифтитоҳи намоишгоҳ зикр намуд, ки фаъолияти намоишгоҳӣ ба рушди тиҷорат ва иқтисодиёти ҷумҳурӣ фоидаи зиёде меорад. Нигораҳои намоишгоҳ иборат аз масолеҳи сохтмонӣ ва техника, маводи ғизоӣ, маснуоти қаннодӣ ва ширавор, равғани растанӣ, меваи хушк ва консерв, таҷҳизоти тиббӣ, мебел, ҳамчунин маснуоти нуқрагини эронӣ мебошад.Намоишгоҳ то 29 апрели соли равон давом мекунад.