Намоишгоҳи байналмиллалии саноатӣ ва тиҷоратии Тоҷикистон «Баҳор — 2012»
Душанбе,24 апрел.(АМИТ «Ховар»).- 24 апрели соли равон дар Палатаи савдо ва саноати Ҷумҳурии Тоҷикистон нишасти матбуотӣ доир ба намоишгоҳи байналмилалии саноат ва тиҷорати Тоҷикистон- «Баҳор — 2012» баргузор гардид. Дар он зикр гардид, ки намоишгоҳ мазкур бо дастгирии ҳукумати Ҷумҳурии Тоҷикистон ва Палатаи савдо ва саноат баргузор мешавад. «Мақсад аз баргузории намоишгоҳ ҷалби сармоягузорони хориҷӣ ба бозори ҷумҳурист», — иброз дошт зимни нишасти матбуотӣ муовини раиси палатаи савдою саноати ҷумҳурӣ Асаналӣ Карамалиев. Дар намоишгоҳ соҳибкорони зиёда аз 20 давлат иштирок намуда, молу маҳсулоти хеш, аз ҷумла молҳои сохтмонӣ, энергетика, маводи хӯрокворӣ, атриёт ва ороиширо пешкаши мизоҷон мегардонанд.