Нишасти адибони эронию тоҷик

Кӯлоб, 12 апрел. (АМИТ «Ховар», Ф.Мадаминов). – Бо ташаббуси раиси шаҳри Кӯлоб Абдуғаффор Раҳмонов ва намояндаи Анҷумани тоҷикон ва форсизабонони ҷаҳон «Пайванд» дар шаҳри Кӯлоб Зафар Мирзоев дар Театри мазҳакаи мусиқии ба номи С. Вализода нишасти адибону ҳунармандони Эрону Тоҷикистон баргузор гардид. Дар нишаст адиби эронӣ Мисбоҳи Ҳасанпур, шоирони Кӯлоб Хосият, Я. Тоиб, Ҳ. Қаландар ширкат варзиданд. Нишаст бо рӯҳияи баланди ҳампайвандӣ сурат гирифт.