«Оҳанги зиндагӣ»-и Амирбеки Мӯсо

Душанбе, 23 апрел. (АМИТ «Ховар», Фирӯза Давлатова).- 27-уми апрел дар толори калони Консерваторияи миллии Тоҷикистон ба номи Талабхӯҷа Сатторов маҳфили эҷодии оҳангсоз, Арбоби ҳунари Тоҷикистон Амирбеки Мӯсо бо номи «Оҳанги зиндагӣ» баргузор мегардад. Дар маҳфил оҳангҳои эҷоднамудаи Амирбеки Мӯсо ва сурудҳои «Ёди ватан», «Поэмаи шарқӣ», «Маро дилхун макун», «Ёдат мекунам», «Нигоро», «Гирям», ки бар оҳангҳои ӯ эҷод шудаанд, садо медиҳанд. Ёдовар бояд шуд, ки маҳфил бо ташаббуси Иттифоқи композиторони Тоҷикистон доир мегардад.