Оддитарин муқаррарот бояд риоя шавад

Душанбе, 30 апрел. (АМИТ «Ховар», Лаззат Диловарзод).- Дар давраҳои охир, кормандони шӯъбаҳои шиносномадиҳии шаҳру навоҳии кишвар аз он шикоят мекунанд, ки шаҳрвандон муқаррароти қонунро дар бораи сари вақт гирифтани шиноснома ва иваз намудани сураташонро дар он риоя намекунанд.Дар асоси қонуни шаҳрвандӣ ашхосе, ки ба синни 16 расидаанд ба гирифтани шиноснома ҳуқуқ пайдо мекунанд ва онро дар синни 25 -40 солагӣ бо расмҳои ба ин синну солашон мувофиқ ҳуқуки аз нав иваз кардан доранд.Бино ба гуфти сардори шӯъбаи шиносномадиҳии ноҳияи Шоҳмансури шаҳри Душанбе полковники милитсияҶ. Юнусов, як қисми муайяни ҷавонон танҳо баъди пеш омадани муҳоҷирати корӣ ба хориҷи кишвар, барои гирифтани шиноснома муроҷиат мекунанд, ки он боиси ҷаримабандии онҳо дар таъхири гирифтани шиноснома мегардад.Ба иттилои манбаъ, дар се моҳи аввали соли 2012 беш аз 100 нафар шаҳрванд барои сари вақт нагирифтани шиноснома ва иваз накардани сурат ҷарима карда шуданд.