«Одина» коргоҳи заргарӣ месозад
Душанбе, 18 апрел.(АМИТ «Ховар», Фирӯза Давлатова).- Тибқи иттилои Вазорати энергетика ва саноати ҷумҳурӣ коргоҳи заршӯии «Одина» бо мақсади ташкил ва сохтмони коргоҳи заргарӣ як қатор корҳоро ба анҷом расонид. То ин давра лоиҳаи сохтмони якчанд бинои заргарӣ ва мактаб-интернатҳо амалӣ гардиданд. Ҳамчунин корхонаи мазкур дар шаҳраки Шугнови ноҳияи Ховалинги вилояти Хатлон лоиҳаи сохтмони бинои мактаб –интернат барои 320 нафар ва лоиҳаи сохтмони коргоҳи нонпазиро барои 10 нафар амалӣ хоҳад кард. Бояд қайд намуд, ки баробари ба анҷом расидани таҳкурсии бинои мазкур ба корҳои сохтмонӣ иловатан боз 60 нафар бинокор ба кор ҷалб мешаванд, ки ин барои дар минтақаҳои гуногуни ҷумҳурӣ, бахусус минтақаҳои дурдаст бо кор таъмин гардидани аҳолии кишвар мусоидат хоҳад кард.