Омодагӣ ба «Атласи тоҷик»
Душанбе, 26 апрел. (АМИТ «Ховар», Бекназари Абӯбакр). — Бо мақсади эҳё ва тарғиби анъанаҳои миллӣ, фарҳанги моддӣ ва рӯзгордории халқи тоҷик, ташаккули ҳисси ватандӯстӣ қарори раиси вилояти Суғд Қоҳир Расулзода дар бораи озмуни вилоятии “Атлас-2012” ба тасвиб расид.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки баргузории озмун нимаи дуюми моҳи июни соли равон дар назар аст.Дар озмун ҳамаи хоҳишмандон- ташкилоту муассисаҳои дӯзандагӣ, тарроҳон новобаста аз синну сол иштирок хоҳанд кард. Озмун дар намуди либоси кӯдакона, рӯзмарра, идона ва қадимӣ доир мегардад.Дар вақти баҳодиҳӣ сифати маҳсулоти дӯзандагӣ, зебоӣ ва дизайни либос, нотакрории он, тобиш ва обуранг, интихоби ашёи ороишӣ ва пардоз ба назар гирифта мешавад.Ҳадафи асосии чорабинӣ эҳёи ҳунарҳои бадеию халқӣ, ҷалби иштирокчиён ба коркард ва тайёр намудани маҳсулоти дӯзандагӣ аз матои атлас-матои хоси фарҳанги миллии аз ҷиҳати экологӣ безарар мебошад, ки санҷишҳои замону мӯдро паси сар кардааст.
8 июл дар якчанд вазорату идора нишасти матбуотӣ баргузор мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
СОЛИ ОБОДОНИЮ СОЗАНДАГӢ. Дар муассисаҳои таълимии шаҳри Панҷакент бино ва синфхонаҳои иловагӣ сохта мешавад
Имрӯз дар водиҳои Тоҷикистон ҳаво то 39 дараҷа гарм мешавад
250 кӯдак дар «Чангоб» ба истироҳат фаро гирифта шуданд
