Поёни ҷашнвораи «Чодари хаёл»

Душанбе, 18 апрел. (АМИТ «Ховар», Раъно Нусратуллоева).-Фестивали байналмилалии театрҳои лӯхтак бо номи «Чодари хаёл», ки 11 апрел дар шаҳри Душанбе оғоз гардида буд, бегоҳии 17 апрел ба поён расид. Дирӯз соати 17.00 дар Театри лӯхтаки шаҳри Душанбе маросими пӯшидашавии фестивал барпо гашт. Дар маросим вазири фарҳанги Ҷумҳурии Тоҷикистон Мирзошоҳрух Асрорӣ суханронӣ намуд ва ба директорони театрҳои иштирокчии фестивал дипломҳо ва тӯҳфаҳои хотиравӣ супурд.  Ҷашнвораи байналмилалӣ бо ташаббуси Вазорати фарҳанги Тоҷикистон доир гардид. Дар ҷашнвора театрҳои лӯхтак аз Русия, Арманистон, Озарбойҷон, Беларус, Қазоқистон, Қирғизистон ва Ҷумҳурии Исломии Эрон бо барномаву намоишномаҳои махсус ширкат варзиданд.