Поёни маҳдудияти барқ дар шаҳрҳои саноатӣ

Душанбе, 2 апрел. (АМИТ «Ховар», Бекназари Абӯбакр). — Дар шаҳрҳои саноатии вилояти Суғд маҳдудияти барқ бардошта шуд. Дар ин бора аз Хадамоти матбуоти раиси вилояти Суғд иттилоъ доданд. Ба иттилои сардори шӯъбаи энергетика ва саноати дастгоҳи раиси вилояти Суғд Содиқ Рустамов, минбаъд ба муштариёни вилоят ба қадри имкон нерӯи барқ бидуни маҳдудият дода мешавад. Дар қисми навбатдории шабакаҳои барқии шаҳри Хуҷанд низ ин маълумотро тасдиқ намуда, изҳор доштанд, ки барқи воридшаванда барои аҳолии шаҳри Хуҷанд кофист.