«Регар ТадАЗ» — пешсафи мусобиқоти Тоҷикистон

Душанбе, 16 апрел. (АМИТ «Ховар», Пайрав Назаров). – Баъди даври дуюми мусобиқоти Тоҷикистон оид ба футбол дастаи «Регар ТадАЗ» — и шаҳри Турсунзода пешсафи ягона гардид. Ин дафъа дастаи Маҳмадҷон Ҳабибуллоев бо ҳисоби чор бар як дастаи «Парвоз» — ро мағлуб сохт. Дастаи ССКА «Помир» — и пойтахт дар Фархор бо ҳисоби се бар як бар дастаи «Ҳосилот» пирӯз шуда, се холи навбатиро ба даст овард. Дар вохӯрии дигари ин даври мусобиқот дастаи «Хуҷанд» бо ҳисоби чор бар як дастаи «Гвардия» — ро мағлуб сохт.