Роҳбари дастгоҳ узви Маҷлиси миллӣ мешавад
Душанбе, 20 апрел.(АМИТ «Ховар», Марзия Саидова).-Вакилони Маҷлиси халқи шаҳри Душанбе дар ҷараёни баргузории иҷлосияи нуҳӯми шаҳрӣ Бахтиёр Худоёров, роҳбари дастгоҳи иҷроияи Президенти Ҷумҳурии Тоҷикистонро номзад ба узвияти Маҷлиси миллии Маҷлиси Олии Ҷумҳурии Тоҷикистон ба ивази узви хориҷшуда дар ҳавзаи интихоботии шаҳри Душанбе №4 якдилона пешниҳод намуданд. Дар робита бо қарори қабул намудаи Қомиссияи марказии интихобот ва раъйпурсии ҷумҳурӣ 9 июни соли равон дар ҳавзаи интихоботии шаҳри Душанбе интихоботи аъзои Маҷлиси миллии Маҷлиси Олии Ҷумҳурии Тоҷикистон ба ҷои аъзои хориҷшуда гузаронида мешавад.