Рушди боғдорӣ дар Нуробод

Нуробод, 18 апрел. (АМИТ «Ховар», Мирзосафар Ризвонов).- Дар хоҷагиҳои деҳқонию инфиродии ноҳияи Нуробод корҳои баҳорӣ бо суръати дучанд идома дошта, деҳқонон ба тоза намудани ҷӯю корезҳо ва нарм кардани бехи ниҳолҳои тут машғуланд. Соли равон кишоварзони ҳоҷагиҳои деҳқонии ноҳия назди худ мақсад гузоштанд, ки дар майдони 15 гектар боғҳои нави замонавӣ бунёд намоянд. Хоҷагиҳои ноҳия то ин дам 10,5 гектар боғи нав бунёд намуда, 5 гектар боғи кӯхнаро барқарор карданд. Рафти кабудизоркунӣ ва бунёди боғҳои нав дар ҷамоатҳои Хумдон, Муҷихарф, Самсолиқ ва Ҳакимӣ назаррас аст-, гуфт зимни сӯҳбат раиси раёсати кишоварзии ноҳия А.Қандов.Маъракаи кабудизоркунӣ ва бунёди боғҳои нав дар ноҳияи Нуробод идома дорад.