Русия вуруди маҳсулоти растаниро манъ намуд

Душанбе, 16 апрел. (АМИТ «Ховар», Покиза Маҳмадбекова). – Тавре Агентии иттилооти иқтисодии «ПРАЙМ» хабар медиҳад, Раёсати назорати маҳсулоти кишоварзии Русия аз 16 апрел аз ҷониби мусофирони Тоҷикистон, Озарбойҷон ва Ӯзбекистон дар бори дастӣ ва бағоҷ ба Русия овардани маҳсулоти растаниро муваққатан манъ кардааст. Сабаби ин амал такрор шудани ҳодисаҳои дар бори дастӣ ва бағоҷи мусофирони кишварҳои зикршуда ҳашароти гуногуни барои Русия зараровар ошкор гардидааст.Қобили зикр аст, ки Раёсати назорати маҳсулоти кишоварзии Русия ҳанӯз моҳи марти соли равон огоҳ карда буд, ки имконияти манъи дар бори дастии мусофирони ин се кишвар овардани маҳсулоти растанӣ мавҷуд аст.Аз Тоҷикистон, Озарбойҷон ва Ӯзбекистон ба Федератсияи Русия асосан зардолу, олу, гелос, олуболу, себ, меваи хушк, чормағз ва сабзавот бурда мешавад.