Сӯзонидани маводи доруворӣ

Душанбе, 5 апрел. (АМИТ «Ховар», Зарина Саидова).- Ба иттилои Хадамоти назорати давлатии фаъолияти дорусозӣ дар бахши маводи доруворӣ дар ҷумҳурӣ ба шахсони ҳуқуқӣ ва воқеӣ 309 адад рухсатномаи якдафъагӣ дода шудааст. Дар се моҳи соли 2012 барои фурӯши маводи ороишии гигиенӣ ба шахсони ҳуқуқӣ ва соҳибкорони инфиродӣ 113 рухсатномаи якдафъагӣ дода шуд. Дар давраи ҳисоботӣ ба хадамот барои аз қайди давлатӣ гузаронидани маводи доруворӣ, молҳои тиббӣ, изофағизоҳо ва маводи косметикӣ пешниҳод карда шуд, ки ба 226 номгӯйи онҳо шаҳодатномаи сабти давлатӣ супорад., Аз ин миқдор 192 шаҳодатномаи сабти давлатӣ марбут ба иловагиҳои биологӣ ва воситаҳои гомеопатӣ буд.Дар ин давра аз тарафи шӯъбаи назорати давлатии фаъолияти дорусозии Хадамот 5714 кг маводи доруворӣ ва молҳои тиббии мӯҳлати истифодаашон гузашта ва пастсифат сӯзонида шуд.