С.Девонаев – раиси Шӯрои ҷамъиятии назди ХМ

Душанбе, 6 апрел. (АМИТ «Ховар», Лутфия Эшонқулова). – 5 апрел дар ҷараёни иҷлосияи якуми Шӯрои ҷамъиятии Хадамоти муҳоҷират сардори Хадамоти муҳоҷирати назди Ҳукумати ҶТ Сафиалло Девонаев раиси он интихоб гардид. Роҳбари бунёди «Перспектива плюс» Ойниҳол Бобоназарова муовини раиси Шӯрои ҷамъиятӣ таъин шуд. Тавре дар маркази матбуоти Хадамоти муҳоҷират ба АМИТ «Ховар» хабар доданд, намояндагони вазорату идораҳои ҶТ, ташкилотҳои ҳукуматию ғайриҳукуматии байналмилалӣ, пажӯҳишгоҳҳои тадқиқоти илмӣ, ходимони намоёни ҷамъиятӣ, олимон, коршиносони Русия ва кишварҳои дигари хориҷӣ, ҳамчунин намояндагони созмонҳои ҷамъиятии ҶТ ва ФР барои муҳокимаи мавзӯъҳои муҳими бахши муҳоҷирати меҳнатӣ ҷамъ омада буданд.Иштирокдорони ҷаласа доираи васеи масъалаҳоро мавриди муҳокима қарор дода, як қатор пешниҳодҳои мушаххас ва дурнамои фаъолияти Шӯрои ҷамъиятӣ барои соли 2012 – ро ироа намуданд.