Сафарбарии варзишгарон ба чемпионати Осиё

Душанбе, 3 апрел. (АМИТ «Ховар», Дилшодаи Хайруллоҳ).- Кумитаи ҷавонон, варзиш ва сайёҳӣ тасмим гирифтааст, ки бо мақсади ташвиқу тарғиби заврақронӣ мусобиқаи ҷавонони заврақрони солҳои таваллудашон 1990-1995-ро ба муносибати 20-солигии Иҷлосияи таърихии XVI–уми Шўрои Олии Ҷумҳурии Тоҷикистон баргузор намояд. Ҳайати даста аз 10 варзишгар, мураббӣ ва довари дараҷаи 1-ум иборат аст. Ҳамчунин аз 22 то 30 апрели соли 2012 бо мақсади тарғиби вазнбардорӣ аъзои дастаи мунтахаби Ҷумҳурии Тоҷикистон Низом Сангов, Хуршед Тӯраев ва мураббӣ Бобохон Сангов барои иштирок дар чемпионати Осиё ба шаҳри Пиеонгтаеки Ҷумҳурии Куриё сафарбар мешаванд. Дар ин бора ба мухбири АМИТ «Ховар» мутахассиси идораи иттилоотӣ ва таҳлилии Кумитаи ҷавонон, варзиш ва сайёҳии назди Ҳукумати ҶТ Саломат Шарипова иттилоъ дод.