«Салом, регби» дар Тоҷикистон

Душанбе, 10 апрел. (АМИТ «Ховар», Лутфия Эшонқулова). – 13 апрел дар шаҳри Душанбе нахустнамоиши филми мустанади эронии «Салом, регби» баргузор мегардад. Тавре дар Маркази фарҳанги «Бохтар» ба АМИТ «Ховар» хабар доданд, филми мазкур дар ҳузури коргардони он Фаромарз Биҳиштӣ сурат мегирад. Соли 2011 Фаромарз Биҳиштӣ барои офаридани филми «Салом, регби» сарфарози мукофоти фестивали синамои бахши варзиш гардида буд.Филм аз фаъолияти 24 нафар занони Эрон, ки мақоми дар Ҷумҳурии Исломии Эрон паҳн намудани регбиро ба ӯҳда гирифта, тайи ду сол ҳазорҳо нафар духтарони кишваро ба ин намуди варзиш ҷалб карда тавонистаанд, ҳикоят мекунад. Мувофиқи суханони манбаъ, коргардони филми мазкур ин ибтикоротро дар Тоҷикистон ҳам роҳандозӣ карданист.