Сармоягузорӣ барои эҳёи соҳаи тамоку
Душанбе, 3 апрел. (АМИТ «Ховар», Покиза Маҳмадбекова). – Дар ҳошияи сафари намояндагони вазоратҳои рушди иқтисод ва савдо, энергетика ва саноат, Кумитаи давлатии сармоягузорӣ, Кумитаи андози Тоҷикистон муовини раиси Палатаи савдо ва саноати ҷумҳурӣ Лариса Кислякова ба қарибӣ аз Ҷумҳурии Қазоқистон боздид намуд. Мувофиқи хабари Палатаи савдо ва саноати ҷумҳурӣ, мақсад аз ин боздид шиносоӣ бо фаъолияти Ширкати «Ҷапан Тобакко Интернейшнл» буд. Ширкати мазкур ният дорад, ки барои рушди соҳаи тамокуи Тоҷикистон, аз ҷумла барои истеҳсоли тамоку ва маснуоти он сармоягузорӣ намояд. Дар ҷараёни сафар корхонаи шаҳри Алмаато, ки таҷҳизоти муосирро истифода мебарад, аз назар гузаронида шуд. Зимни мулоқот бо роҳбарияти ширкат масъалаҳои муҳим роҷеъ ба бозори тамокуи Тоҷикистон мавриди муҳокима қарор гирифтанд.Мувофиқи суханони манбаъ, вақтҳои наздиктарин роҳбарияти Ширкати «Ҷапан Тобакко Интернейшнл» ба Ҷумҳурии Тоҷикистон сафар карданист.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
