Сергей Лавров – доктори фахрии ДСРТ

Душанбе, 25 апрел. (АМИТ «Ховар», Людмила Дубинина). – Бо қарори Шӯрои илмӣ ва мутобиқи Низомномаи Донишгоҳи славянии Русия ва Тоҷикистон вазири корҳои хориҷии Федератсияи Русия Сергей Лавров бо унвони «Доктори фахрии ДСРТ» сарфароз гардид. Дипломро ректори Донишгоҳи славянии Русия ва Тоҷикистон Муҳаммадюсуф Имомов супурд. Ректори ДСРТ дар ҷараёни ин маросим зикр намуд, ки Сергей Лавров яке аз сиёсатмадорони хирадманд буда ва хидматҳои ӯ дар рушди муносибатҳои байни Тоҷикистону Русия бузурганд. «Русия бо ташкили Донишгоҳи славянӣ шарики стратегии Тоҷикистон буданашро бори дигар намоиш дод. Худи мавҷудияти ин донишгоҳи олӣ намунаи шоёни таҳсини ҳамкории гуманитарии байни Федератсияи Русия ва Ҷумҳурии Тоҷикистон мебошад», — гуфт Муҳаммадюсуф Имомов.Баъди маросими расмӣ Сергей Лавров ба саволҳои сершумори донишҷӯёну омӯзгорон посух дод.