Шӯрои ҳамоҳангсоз
Кӯлоб, 21 апрел. (АМИТ «Ховар», С.Холов). – Қонуни Ҷумҳурии Тоҷикистон «Дар бораи танзими анъана ва ҷашну маросимҳо» дар кишвар як марҳилаи муайянро паси сар намуд. Ҷаласаи навбатии шӯрои ҳамоҳангсози кормандони ҳифзи ҳуқуқ дар ноҳияи Ховалинг муайян намуд, ки дар бисёр ҳолатҳо комиссияҳои ҷамъиятӣ фаъолияти хешро дар ин самт нодуруст роҳандозӣ мекунанд. Дар ҷаласа ба роҳбарон ва аъзои комиссияҳои ҷамъиятӣ супориш дода шуд, ки ҳуҷҷатгузорӣ ва назоратро дар самти риояи қонуни Ҷумҳурии Тоҷикистон «Дар бораи танзими анъана ва ҷашну маросимҳо» беҳтар ба роҳ монанд.