Шаҳрдор ба сардори СҲФМГ мӯҳлат дод

Апрель 24, 2012 11:34

Душанбе, 24 апрел.(АМИТ «Ховар», Марзия Саидова).- Пешгирии оқибатҳои боришоти зиёд ва сели мавсимӣ дар минтақаҳои хавфноки аҳолинишини шаҳр ва беҳдошти ҳолати каналу селпартоҳои марзгузари пойтахт дар ҷаласа таҳти раёсати Маҳмадсаид Убайдуллоев, раиси шаҳри Душанбе бо иштироки раисони маҳаллаҳо ва сардорони оилаҳои манзили истиқоматияшон осебпазир баррасӣ шуд. Маҳмадсаид Убайдуллоев бо хулоса аз натиҷаи боздидҳояш аз ҳудудҳои селзада ва осебпазири шаҳр, бахусус маҳаллаи Лучоб фаъолияти анҷомдодаи сохторҳо ва соҳибмулконро ғайриқаноатбахш шуморида, дар мавриди ислоҳи вазъ ва сафарбарсозии нерӯҳои иловагӣ ба масъулин дастуру супоришҳои мушаххас дод. Раиси шаҳр фаъолияти сардори Ситоди ҳолатҳои фавқулодда ва мудофиаи шаҳрвандии шаҳри Душанбе Муҳаммадҷон Кенҷаевро нокифоя шуморида, ба ӯ барои тақвияти фаъолияташ то нимсолаи аввали соли 2012 мӯҳлат муқаррар намуд. Тибқи иттилои Шавкат Саидов, котиби матбуотии раиси шаҳри Душанбе ҳамзамон ҷиҳати таъмини амнияти шаҳрвандоне, ки дар минтақаҳои хавфноки ба сел, обхезӣ, тарқиши замин ва фаромадани ярч гирифторшавияшон аз эҳтимол дур набуда сукунат доранд, зикр намуд, ки дар мӯҳлати ду соли оянда оилаҳои ин манотиқ ба ҷойҳои бехатар кӯчонида мешаванд.

Апрель 24, 2012 11:34

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд