Шабакаи ТоҷВСС — макон баҳри ҳамкориҳо

Душанбе, 24 апрел. (АМИТ «Ховар», Дилшодаи Хайруллоҳ). — Ҷаласаи 12-уми шабакаи ташкилотҳои ҳамкор доир ба устувории таъмини об ва беҳдоштӣ 26 апрели соли 2012, соати 13.00 дар толори конфронсии меҳмонхонаи Тоҷикистон баргузор мегардад.Иштироки фаъоли мақомоти давлатӣ, бахши хусусӣ, ташкилотҳои байнахалқӣ ва ҷамъиятӣ дар ҷаласаҳои шабакаи ТоҷВСС аз пурмазмуну зарурӣ будани мавзӯъҳои ҷаласаҳои шабака шаҳодат медиҳад. Дар рӯзномаи ҷаласа чанд мавзӯи ҷолиб, аз қабили муаррифии «Рӯзи байналмиллаии Форуми об дар соли 2012» аз ҷониби муовини вазири мелиоратсия ва захираҳои об ворид гардидааст, ки он аъзои шабакаро бо натиҷаҳои кори форум, ки ба роҳҳои ҳалли проблемаи глобалии бахши об нигаронида шудаанд, шинос мекунад.Аз ҷониби муовини сардори Хадамоти назорати санитарию эпидиомологӣ Холмаҳмад Назаров танзим ва таъйини мақсадҳои давлат доир ба таъмини об ва солимӣ ҳамчун як қисми лоиҳаи муштараки Вазорати тандурӯстӣ ва Шоҳигарии Норвегия муаррифӣ мегардад.Лоиҳаи ТоҷВСС иштирокчиёни шабакаро бо корҳои анҷомдодаи ташкилотҳои ҳамкор доир ба гузаронидани «Рӯзи байналхалқии об дар соли 2012» ва натиҷаҳои мониторинги ахбори миёнамӯҳлати лоиҳа, ки моҳи феврали ҳамин сол гузаронида шуда буд, шинос мекунад. Мавриди зикр аст, ки ин лоиҳа аз ҷониби Ҳукумати Швейтсария бо миёнаравии раёсати Швейтсария доир ба Рушд ва Ҳамкорӣ маблағгузорӣ мешавад. Раёсати Шветсария оид ба Рушд ва Ҳамкорӣ барои ҳамоҳангсозии ҳамаи барномаҳои рушд ва ҳамкорӣ дар Аврупои Шарқӣ , ҳамчунин барои кӯмакҳои башарие,ки Конфедератсияи Швейтсария мерасонад, масъул аст. Лоиҳа аз ҷониби Оксфам амалӣ мегардад. Оксфам якҷоя бо ҳамкоронаш барои паст кардани сатҳи камбизоатӣ фаъолият мекунад. Ташкилоти Оксфам аъзои шабакаи байналхалқии Оксфам мебошад ва дар Англия таҳти рақами № 612172 ба қайд гирифта шудааст.