Шартномаҳои ҳамкорӣ
Кӯлоб, 9 апрел. (АМИТ «Ховар», С.Холов). – Раёсати Донишгоҳи давлатии Кӯлоб ба номи Абуабдуллоҳи Рӯдакӣ дар асоси барномаи давлати барои боз ҳам мукаммал гардонидани шароити моддии таълимӣ ва дар оянда барои бо ҷои кор таъмин намудани мутахассисони соҳаҳои гуногун бо як қатор донишгоҳу донишкадаи Федератсияи Русия ва бо беш аз 81 — донишгоҳи Аврупо шартномаи ҳамкорӣ бастааст. Раёсати донишгоҳи мазкур ҳамчунин бо маркази илмӣ ва фарҳангии ҳамкории Русия дар Тоҷикистон барои дастрас намудани васоити таълимӣ ва дастурҳои методӣ, инчунин китобҳои нави бадеӣ шартнома бастааст.Дар асоси шартномаи ҳамкорӣ донишҷӯён баъди хатми донишгоҳ ба сифати коромӯз ба он ҷо сафар мекунанд. Мувофиқи иттилои масъулин то имрӯз коромӯзони ин донишгоҳ дар донишгоҳҳои шаҳрҳои Тюмен, Новосибирск ва донишгоҳи лингвистии шаҳри Маскав кору фаъолият карда истодаанд.