Соҳилҳои Панҷакент мустаҳкам мешаванд

Душанбе, 9 апрел. (АМИТ «Ховар», Бекназари Абӯбакр). — Дар асоси дастуру супоришҳои Президенти Ҷумҳурии Тоҷикистон Эмомалӣ Раҳмон ва раиси вилояти Суғд мақомоти иҷроияи ҳокимияти давлатии шаҳри Панҷакент баҳри аз офатҳои табиӣ пешгирӣ намудани манзилҳои истиқоматии шаҳрвандон ва заминҳои корам табдирҳои амалӣ меандешанд.Дар айни ҳол корҳои аз қуму санг тоза намудани 9 сойи селрави калон — Сойи Зебон, Амондара, Хушҳалвоӣ, Зиддӣ, Мазор, Дупула, Навобод, Ҳавзак аз тарафи ташкилоту муссисаҳо ва хоҷагиҳои аҳолӣ муташаккилона давом дорад.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки дар муддати кӯтоҳ дар ин сойҳо бояд 9 ҳазору 500 метр саддҳои мустаҳкамгардонӣ сохта шаванд. Имрӯзҳо бо маблағгузории ҳукуматӣ ба маблағи то 2 миллион сомонӣ корҳои соҳилмустаҳкамкунӣ дар садди Ғарибаки ҷамоати деҳоти Хурмӣ ва садди Қумсоёни ҷамоати деҳоти Сӯҷина идома дорад.Бо мақсади мустаҳкам намудани соҳили дарёи Зарафшон ва нигоҳ доштани заминҳои корам аз офат дар ин саддҳо ба масофаи 900 метр корҳои соҳилмустаҳкамкунӣ ба иҷро мерасанд ва дар натиҷа зиёда аз 200 га замини нави корам ба истифода дода мешавад. Корҳои соҳилмустаҳкамкунӣ дар ин саддҳо аз тарафи ҶС КСМ-278 ва идораи «Тоҷикселҳимоя» бо сифати баланд ба роҳ монда шудаанд.