Супоришҳои мушаххаси Р. Раҳимов ба кормандони раёсатҳои ВКД
Душанбе, 7 апрел. (АМИТ «Ховар», Лутфия Эшонқулова).-Вазири корҳои дохилӣ генерал-лейтенанти милитсия Рамазон Раҳимов бо роҳбарият ва кормандони Раёсати тиббӣ ва Комиссияи тиббию ҳарбии Вазорати корҳои дохилӣ вохӯрӣ намуд. Тавре ки ба АМИТ «Ховар» аз маркази матбуоти ВКД ҶТ хабар доданд, ҳадафи вохӯрӣ шиносоӣ бо фаъолият ва бурду бохти Раёсати тиббӣ буд. Вазири корҳои дохилӣ зикр кард, ки бояд кормандони Раёсати тиббӣ дар иҷрои вазифаҳои хизматӣ ҷиддӣ бошанд ва ба камбудиҳо роҳ надиҳанд. Чунки табиб ба ҳаёти инсон сару кор дорад ва хатои табиб ислоҳнопазир аст. Бояд дар мадди аввал муносибати хуб бо шаҳрвандон гузошта шавад. Дар рафти вохӯрӣ вазири корҳои дохилӣ Рамазон Раҳимов дар назди роҳбарият ва ҳайати шахсии Раёсати тиббӣ вазифаҳои мушаххас гузошт. Аз ҷумла, мубориза бар зидди нашъамандӣ, коррупсия ва майзадагӣ, инчунин ҳолатҳои асабонии кормандони мақомот ба назар гирифта шуда, барои табобати онҳо чораҳои муассир андешида шавад. Ҳамзамон доир ба шароити кории Раёсати тиббӣ ва Комиссияи тиббию ҳарбӣ таваҷҷӯҳ зоҳир намуда, барои таъмини раёсати мазкур бо асбобҳо, дастгоҳҳо ва таҷҳизоти зарурӣ ва ба охир расонидани сохтмони бинои нави Комиссияи тиббию ҳарбӣ дастуру супоришҳои мушаххас дод.
Дар шаҳри Истаравшан ҳунари шонасозӣ ривоҷи тоза меёбад
Имрӯз дар Тоҷикистон ҳаво то 40 дараҷа гарм мешавад
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
