Тӯҳфаи ИМа ба АНМН

Душанбе, 13 апрел. (АМИТ «Ховар», Лутфия Эшонқулова). – 12 апрел дар Агентии назорати маводи нашъаовари назди Президенти ҶТ маросими аз ҷониби сафорати ИМА дар ҶТ супурдани воситаҳои техникӣ ва нақлиёти автомобилӣ баргузор гардид.Тавре ки аз маркази матбуоти Агентии назорати маводи нашъаовар ба АМИТ «Ховар» хабар доданд, директори агентӣ Рустам Назаров ба сафири ИМА дар Тоҷикистон Кенн Гросс изҳори миннатдорӣ карда, гуфт, ки байни Агентии назорати маводи нашъаовар ва мақомоти ҳифзи ҳуқуқи ИМА дар бахши мубориза бо гардиши ғайриқонунии маводи нашъаовар ҳамкории судманд роҳандозӣ шудааст, ки асоси онро Созишномаи байниҳукуматии миёни Тоҷикистону ИМА, ҳамчунин Ёддошти байни Агентии назорати маводи нашъаовари назди Президенти ҶТ ва Маъмурияти назорати риояи қонунҳо дар бораи маводи нашъаовари Раёсати адлияи Иёлоти муттаҳидаи Амрико «Дар бораи ҳамкорӣ бахши маводи нашъаовар» ташкил медиҳанд.Сафири ИМА дар навбати худ самтҳои мусбати ҳамкории байни Сафорати ИМА дар ЧТ ва Агентии назорати маводи нашъаовари назди Президенти Ҷумҳурии Тоҷикистонро ёдрас шуда, қайд намуд, ки Ҳукумати ИМА минбаъд ҳам ба мақомоти ҳифзи ҳуқуқи ҶТ кӯмаки техникӣ мерасонад.