Т.Салимов дар Конфронси Непал
Душанбе, 6 апрел. (АМИТ «Ховар», Назир Назиров). – 6 апрел дар Непал Конфронси байналмилалии кишварҳои кӯҳистон оид ба тағйири иқлим ба кораш шурӯъ намуд. Тоҷикистонро дар ин конфронс раиси Кумитаи ҳифзи муҳити зисти назди Ҳукумати ҶТ Талбак Салимов намояндагӣ мекунад. Дар конфронс масъалаҳои табодули донишу таҷриба дар бахши таъсири тағйири иқлим ба кӯҳсор ва хатарҳои вобаста бо он, ҳамчунин ташаккули муносибати умумӣ ба ҳалли масъалаҳои мушаххаси марбут ба вазъияти кӯҳсор ва воситаҳои мавҷудият мавриди баррасӣ қарор мегиранд.Иштирокдорони конфронс имконияти таҳлили вазъи кӯҳсор ва коҳиш додани ҳаҷми қашшоқӣ дар заминаи муносибати комплексиро муҳокима мекунанд.