Тарғиби санъати тоҷик дар Доҳа
Душанбе, 3 апрел. (АМИТ «Ховар», Раъно Нусратуллоева).- Аз 20 то 28 марти соли равон дар шаҳри Доҳаи Давлати Қатар Фестивали байналмилалии фарҳангӣ бо ҷалби беҳтарин гурӯҳҳои ҳунарии кишварҳои манотиқи гуногуни ҷаҳон баргузор гардид. Ташкил ва иштироки ҳунармандони Тоҷикистонро дар ин чорабинӣ Муассисаи давлатии сафарию ҳунарии «Базморо» ба зимма дошт. Тибқи барномаи Фестивал ҳунарнамоии кишварҳои Осиёи Марказӣ аз 21 то 27 март баргузор гардид. Дар ин ҳамоиши бошукӯҳи фарҳангӣ ҷониби Тоҷикистонро ҳунармандони ансамбли давлатии хизматнишондодаи рақсии «Лола» ба номи Ғ.Валаматзода, гурӯҳи “Авесто” ва гурӯҳи мутрибон таҳти сарварии Ҳунарпешаи шоистаи Тоҷикистон Азалия Галиаҳмадова муаррифӣ намуданд. Ҳунарнамоии санъаткорони тоҷик, ки 25 ва 26 март ба таври алоҳида баргузор гардид, аз ҷониби тамошобинони сершумор гарму ҷӯшон пазироӣ гардид. Махсусан рақсҳои ҷаззоби гулдухтарони ансамбли “Лола”, суруду навозишҳои гурӯҳи “Авесто” ва дигар санъаткорон бори дигар фарҳангу ҳунари миллати моро манзури ҷаҳониён сохт. Ҷараёни чорабинӣ тавассути васоити ахбори умум ба таври васеъ инъикос гардид. Ширкати ҳунармандон дар ин ҳамоиши бошукӯҳ бори дигар собит сохт, ки фарҳангу ҳунар чун василаи муҳим баҳри ҳамгироӣ ва таҳкими робитаҳои фарҳангии кишварҳо хидмат менамояд. Ҳайати Тоҷикистон зимни чорабинӣ бо гурӯҳҳои ҳунарии дигар кишварҳо дидору мулоқот анҷом дод, ки он минбаъд баҳри вусъати ҳамкориҳо ва муаррифии санъату ҳунари тоҷик мусоидат хоҳад намуд. Дар ин бора ба хабарнигори АМИТ «Ховар» сармутахассиси маркази матбуоти Вазорати фарҳанг Раҳматулло Раҳматуллоев хабар дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






