Таъсиси ҷойҳои нави корӣ меафзояд?

Душанбе, 13 апрел. (АМИТ «Ховар», Покиза Маҳмадбекова). – Тибқи Барномаи мусоидат ба шуғли аҳолии ҶТ, соли равон дар миқёси ҷумҳурӣ бояд 121 ҳазору 351 ҷойи корӣ таъсис дода шавад. Ба иттилои шўъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ ва муҳоҷират дар семоҳи аввали соли равон аз ҳамаи сарчашмаҳо 34 ҳазору 148 ҷойи корӣ дода шуд, ки 28,1 фоизи нақшаи барномаро ташкил медиҳад.  Вобаста ба соҳаҳои иқтисодиёт дар давраи ҳисоботӣ дар соҳаи сохтмон — 2933, саноат — 2326, кишоварзӣ -9402, нақлиёт ва алоқа — 631, савдо, хўроки умумӣ ва дигар соҳаҳо – 4656 ҷойи корӣ таъсис дода шуд. Таҳлили сохтори ташкилии таъсиси ҷойҳои нави корӣ аз он гувоҳӣ медиҳад, ки аксари ҷойҳои нави корӣ (56,1%) ба бахши хусусӣ тааллуқ доранд.