Татбиқи барномаи «БОМКА»

Душанбе, 13 апрел. (АМИТ «Ховар», Лаззат Диловарзод).- Тавре ки аз маркази робита бо ҷомеаи Агентии назорати маводи нашъаовари назди Президенти ҶТ ба мухбири АМИТ «Ховар» иттилоъ доданд, имрӯз семинари серӯзаи гурӯҳи минтақавии кори такмили фаъолияти воҳидҳои башаклдарории воситаҳои нашъадор корашро анҷом медиҳад.Ба иттилои манбаъ, мулоқоти мазкур аз ҷониби Иттиҳоди Аврупо ва Барномаи рушди СММ оид ба мусоидат ба идораи марзҳо дар Осиёи Марказӣ (БОМКА) 11- уми апрел оғоз шуд ва имрӯз ба кори худ хотима мебахшад. Муовини аввали директори Агентии мазкур генерал –майор Вайсиддин Азаматов аз татбиқи барномаи мазкур ёдовар шуда, онро аз самарабахштарин барномаҳои зиддимуходиротии минтақа арзёбӣ намуд. Дар доираи барномаҳои «БОМКА» дар нуқтаҳои муҳими марзӣ таҷҳизоти замонавӣ насб гардида, ҷиҳати баланд бардоштани маҳорати касбӣ ва такмили ихтисоси кормандон курсҳои минтақавӣ ва маҳаллӣ ташкил ёфтаанд, ки онҳо боиси самаранокии мубориза дар гардиши ғайриқонунии маводи нашъадор маҳсуб меёбанд.