Таваллудхона бо техникаи нав муҷҷаҳаз мегардад

Душанбе, 5 апрел. (АМИТ «Ховар», Лаззат Диловарзод).- Ба гуфти сармутахассиси Раёсати тандурустии ҳукумати вилояти Суғд Ҷаъфар Маҳмадов, тавассути маблағҳои қарзии Бонки Рушди Саудӣ ба таваллудхонаи вилоятии шаҳри Хуҷанд ба маблағи 8 млн. доллари амрикоӣ таҷҳизоти техникӣ ворид гардид. Таҷҳизоти тиббӣ, ки аз 70 комплекси техникаи муосир иборат мебошад, дар таваллудхонаи мазкур насб карда мешавад. Дар айни замон корҳои таъмиру навсозии таваллудхонаи вилоятӣ идома дорад.Муассисаи тиббӣ дорои 210 кат буда, дар як моҳ беш аз 400 нафар занро барои таваллуд қабул менамояд. Дар давоми соли 2011 ва се моҳи аввали соли ҷорӣ беш аз 5 ҳазору 300 зан барои таваллуди фарзанди солим қабул карда шудааст.