Тоҷикистон содироти фулузоти қимматбаҳоро афзун намуд

Душанбе, 30 апрел. (АМИТ «Ховар», Покиза Маҳмадбекова ). – Тоҷикистон дар семоҳаи аввали соли равон содироти фулузоти қимматбаҳоро 2,1 баробар зиёд намуд.Дар давраи гузашта содироти фулузоти қимматбаҳо ва нимқимматбаҳо маблағи беш аз 26,8 миллион долларро ташкил дод, ки ин аз нишондоди ҳамин давраи соли гузашта баробари беш аз 14,1 миллион доллар зиёд аст.Мувофиқи маълумоти Вазорати молияи Тоҷикистон, алҳол дар ҷумҳурӣ бо иштироки сармоягузорони хориҷӣ 8 корхонаи истихроҷи тилло кор мекунад. Корхонаи муштараки «Зарафшон» — и Тоҷикистону Чин калонтарини онҳо ба шумор меравад. Дар дохили ҷумҳурӣ харидорони асосии фулузоти қимматбаҳо Вазорати молияи ҶТ ва Бонки миллӣ маҳсуб мешаванд.Аз рӯи натиҷаи соли 2011 ҳаҷми захираи тиллои Бонки миллии Тоҷикистон 801,6 миллион долларро ташкил дод.