Тоҷиксемент дубора фаъол шуд

Душанбе, 26 апрел. (АМИТ «Ховар», Дилшодаи Хайруллоҳ). -Имрӯз пас аз танаффуси қариб якмоҳа ҶСК «Тоҷиксемент» ба фаъолияти истеҳсолӣ шурӯъ намуд. Кор дар корхона шабонарӯзӣ ба роҳ монда шуда, дар айни замон ба корхона 6000 метри мукааб гази табиӣ дар як соат интиқол дода мешавад, ки чунин миқдор танҳо барои таъмини як хумдони корхона басанда аст. Корхона бо ҳамин миқдори газ метавонад, дар як шабонарӯз то 600 тн. семент истеҳсол намояд.Дар ин бора ба мухбири АМИТ «Ховар» аз котиботи Вазорати энергетика ва саноати Ҷумҳурии Тоҷикистон хабар доданд.