Вакилон Паёмро тавзеҳ медиҳанд

Душанбе, 23 апрел.(АМИТ «Ховар», Марзия Саидова).- Вакилони палатаи поёнии парлумони мамлакат –Маҷлиси намояндагон аз 26 апрел то 6 май ба шаҳру ноҳияҳои ҷумҳурӣ сафари хизматӣ анҷом медиҳанд.  Қарор дар ин хусус 23 апрел дар ҷаласаи Шӯрои Маҷлиси намояндагон тасдиқ гардид. Вакилон зимни сафар ба минтақаҳои кишвар бо интихобкунандагон вохӯрда, доир ба нуктаҳои асосии Паёми Президенти Тоҷикистон ба Маҷлиси Олии Ҷумҳурии Тоҷикистон ибрози назар менамоянд.  Бояд зикр кард, ки 20 апрели соли равон Президенти Ҷумҳурии Тоҷикистон Эмомалӣ Раҳмон Паёми навбатии худро ба парлумони кишвар ироа намуд, ки он фарогири самтҳои афзалиятноки сиёсати дохилию хориҷии Тоҷикистон мебошад.