Варзишгоҳи нав дар Восеъ

Кӯлоб, 21 апрел. (АМИТ «Ховар», С.Холов). – Дар ноҳияи Восеъ варзишгоҳи нав бунёд гардид ва дар он нахустин мусобиқа байни дастаҳои ҷамоати деҳоти Гулистон барпо шуд. Дар мусобиқа 8 дастаи футбол ва 6 дастаи волейболбозон бо ҳам сабқат намуда, аз худ маҳорати хуби варзишӣ нишон доданд. Бахши ҷавонон, варзиш ва сайёҳии ноҳия мақсад дорад, ки аз дастаҳои иштирокчӣ варзишгарони беҳтаринро интихоб намуда, дастаи яккачини ҷамоат ва ноҳияро барои иштирок дар мусобиқаҳои вилоятию ҷумҳуриявӣ омода намояд.