Вохӯрии М. Асрорӣ бо номбардорони миллат
Душанбе, 20 апрел. (АМИТ «Ховар», Раъно Нусратуллоева).-19 апрели соли равон дар Вазорати фарҳанги Ҷумҳурии Тоҷикистон вохӯрии вазири фарҳанги кишвар Мирзошоҳрух Асрорӣ бо ҳунармандони тоҷик- ғолибони озмунҳои байналмилалӣ: Муҳаммад-Алӣ Маҳмадов – барандаи ҷоизаи «Звёзды Содружества», Парвин Юсуфӣ – барандаи ҷоизаи аввал ва ҷоизаи таваҷҷӯҳи тамошобинони фестивали байналмилалии мусиқии ҷаз- «Корвон» дар шаҳри Бишкек ва Абдувалӣ Абдурашидов – ғолиби фестивали байналмилалии мусиқӣ дар шаҳри Порис баргузор гардид. М. Асрорӣ ҳунармандони номбурдаро бо муваффақиятҳояшон самимона табрик намуда, ба онҳо арзи сипос намуд. Вазир ҳамчунин иброз дошт, ки имрӯз обрӯ ва эътибори миллату давлати соҳибистиқлоламон маҳз тавассути аҳли фарҳангу ҳунар ва илму адаб дар миқёси байналмилалӣ тақвият меёбад. Ҳунармандон дар бораи ширкати худ дар озмунҳо нақл намуданд. Дар вохӯрӣ мушкилоти мавҷудаи соҳаи фарҳанги ҷумҳурӣ ва роҳҳои ҳалли он баррасӣ шуд. Дар ин бора ба хабарнигори АМИТ «Ховар» сармутахассиси маркази матбуоти Вазорати фарҳанг Раҳматулло Раҳматуллоев иттилоъ дод.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
