Ярмаркаи «Маорифи Русия»

Душанбе, 4 апрел. (АМИТ «Ховар», Людмила Дубинина ). – Бо ибтикори Сафорати Федератсияи Русия дар ҶТ, Намояндагии ҳамкории Русия дар Тоҷикистон ва бо иштироки Вазорати маорифи ҶТ аз 5 то 7 апрел дар Маркази илму фарҳанги Русия воқеъ дар шаҳри Душанбе аввалин намоишгоҳ — ярмаркаи таълимии «Маорифи Русия» баргузор мегардад. Дар ярмарка донишкадаҳои асосии олии техникию гуманитарии Русия иштирок менамоянд. Ғайр аз ин Маркази барномаҳои байналмилалии Вазорати маорифи ҶТ, Донишгоҳи славянии Русия ва Тоҷикистон ва ғайра нигораҳо ва барномаҳои таълимии худро ба маърази намоиш мегузоранд. Дар рӯзҳои зикршуда ҳамчунин мулоқоти ҳайати Русия бо вазири маорифи ҶТ Н. Саидов ва имзои созишномаҳои дуҷонибаи байни донишкадаҳои олии Русия ва муассисаҳои таълимии Тоҷикистон аз қабили Маркази барномаҳои байналмилалӣ ва Академияи маорифи Тоҷикистон дар назар аст. Дар ин бора аз Маркази илму фарҳанги Русия ба АМИТ «Ховар» хабар доданд.