Зарари боришот ба шаҳру ноҳияҳои минтақаи Кӯлоб

Кӯлоб, 24 апрел. (АМИТ «Ховар», Ф.Мадаминов). – 21 – уми апрел дар шаҳру ноҳияи Кӯлоб дар натиҷаи боридани борон ба хонаҳои сокинони кӯчаҳои Содиқов, Хати роҳ, Куйбишев, Фрунзе, Сино, биноҳои баландошёнаи маҳаллаҳои Шохин, Борбад, И.Сомонӣ, 50 — солагӣ ва ба як қатор заминҳои назди ҳавлигӣ зарари ҷиддӣ расид. Ба кӯпрукҳои роҳи Кӯлоб — Мӯъминобод дар километри 11 – ум, роҳи Душанбе — Кӯлоб – Хоруғ дар километри 206, роҳи Сангпар — аэропорт дар километри 1 – ум, роҳи Даҳана – Хонобод, Гулистон – Хонобод аз ду тарафи роҳ зарари ҷиддӣ расидааст. Дар айни замон вазъ пурра таҳти назорат мебошад.