Ғолибони фестивал муайян шуданд

Душанбе, 23 май. (АМИТ «Ховар», Людмила Дубинина). – Натиҷаи Фестивал — озмуни якуми Театрҳои беҳтарини касбӣ ва ҷавонон, ки дар Театри ҷавонони ба номи М.Воҳидов баргузор гардид, ҷамъбаст шуд. Аз ҷумлаи 20 театру гурӯҳҳои касбию ҳаваскорон 8 дастаи беҳтарин интихоб гардид. Гурӯҳи ҷавонони шаҳри Конибодоми вилояти Суғд барои намоишномаи «Модари аз тоқати таҳқир хаста» сазовори мукофоти асосӣ дар бахшҳои «Мусиқии беҳтарин» ва «Ороиши беҳтарин» гардид. Дар бахши «Нақши беҳтарини мард» мукофоти асосӣ насиби иҷрокунандаи нақши асосӣ дар намоишномаи зикршуда Ғайрат Қодиров гардид. Бастакори ҷавон Фаррух Мамадов, рассом ва иҷрокунандаи яке аз нақшҳои асосӣ дар ин намоишнома Фарҳод Тӯхташев низ сазовори мукофот шуданд.Дар бахшҳои «Нақши беҳтарини зан» ва «Коргардони беҳтарин» дар намоишномаи «Бахт» — и драматурги рус Л.Разумовская ҳунарпешагон Раъно Раҳматуллоева ва Сӯҳроб Шехов мукофот гирифтанд.Ғолибон бо дипломҳо, ҳамчунин тӯҳфаҳои қимматбаҳо қадр карда шуданд.