Қадрдонии Мӯъмин Қаноат дар Волгоград

Душанбе, 28 май. (АМИТ «Ховар», Лутфия Эшонқулова ). – Дар ҳошияи лоиҳаи «Мо хеш будем, мо ҳамсоя шудем, мо дӯст мешавем» дар охири ҳафтаи гузашта дар шаҳри Волгогради Русия маҳфили назми тоҷик баргузор гардид. Дар маҳфили эҷодӣ онҳое, ки корнамоиҳои қаҳрамононаи сарбози шӯравӣ дар солҳои ҷанги дуюми ҷаҳонро дар хотир доранд, порчаҳоро аз достони «Сурӯши Сталинград» — и Шоири халқии Тоҷикистон Мӯъмин Қаноат қироат намуданд.Мувофиқи хабари дафтари матбуоти Иттифоқи тоҷикистониёни Русия бо истинод ба маъмурияти ҳокими вилояти Волгоград, дар ин маҳфил ҳаводорони сершумори шоири маҳбуби тоҷик ҷамъ омада буданд. Дар хотимаи маҳфил ҳозирон унвонии Мӯъмин Қаноат, ки 20 майи соли ҷорӣ 80 – солагии зодрӯзаш таҷлил гардид, табрикномаи дастаҷамъӣ қабул намуданд.