Қонуни навро Парлумон баррасӣ кард

Душанбе, 21 май.(АМИТ «Ховар», Марзия Саидова).- Лоиҳаи Қонуни Ҷумҳурии Тоҷикистон «Дар бораи мораторияи санҷишҳои фаъолияти субъектҳои соҳибкорӣ дар соҳаҳои истеҳсолӣ» 21 май дар ҷаласаи навбатии Шўрои Маҷлиси намояндагон таҳти раёсати Шукурҷон Зуҳуров, раиси палатаи поёнии парлумони Тоҷикистон баррасӣ шуд. Аъзои Шўрои Маҷлиси намояндагон ҳамчунин лоиҳаи Қонунҳои Ҷумҳурии Тоҷикистон «Дар бораи ворид намудани тағйирот ба Қонуни Ҷумҳурии Тоҷикистон «Дар бораи нафақаи шаҳрвандони Ҷумҳурии Тоҷикистон», «Дар бораи ишораҳои ҷуғрофӣ», инчунин ворид намудани тағйиру иловаҳо ба лоиҳаи Қонунҳои Ҷумҳурии Тоҷикистон «Дар бораи намунаҳои саноатӣ», «Дар бораи тамғаҳои молӣ ва тамғаҳои хизматрасонӣ» ва «Дар бораи ихтироъ»-ро муҳокима намуданд. Масъалаҳои мазкур ҷиҳати баррасӣ ба ҷаласаи навбатии иҷлосияи сеюми палатаи поёнии парлумони мамлакат, ки 23 май доир мегардад, пешниҳод шуданд.11.50.