Ҳайати парлумонӣ ба Русия меравад
Душанбе, 8 май.(АМИТ «Ховар», Марзия Саидова).- 15 май як ҳайати баландпояи парлумонии Тоҷикистон ҷиҳати иштирок дар чорабиниҳои Ассамблеяи байнипарлумонии кишварҳои Иттиҳоди Давлатҳои Мустақил /ИДМ/, Иттиҳоди иқтисодии парлумонии АвруОсиё, Ассамблеяи байнипарлумонии кишварҳои аъзои Созмони аҳдномаи амнияти дастаҷамъӣ /СААД/ ва Конгресси 5-уми байналмилалии экологии Нева ба шаҳри Санкт-Петербурги Русия меравад. Исмоил Талбаков, вакили палатаи поёнии парлумони мамлакат дар сўҳбат ба хабарнигори АМИТ «Ховар» гуфт, ки ба ҳайат 12 нафар вакилони Маҷлиси намояндагон ва раисони Кумитаҳои марбутаи палатаи поёнии парлумони мамлакат шомиланд. Онҳо дар ҷаласаҳои ниҳодҳои парлумонӣ ширкат намуда, доир ба самтҳои афзалиятноки масъалаҳои рўзномаи ҷаласа ва гурўҳҳои корӣ, ки фарогири масоили тавсеаи ҳамкориҳои иқтисодию иҷтимоиянд, маърўза ва табодули назар менамоянд. Исмоил Талбаков зимни посух ба савол, ки то чӣ андоза ниҳодҳои байнипарлумонии ИДМ ва СААД дар таҳкими ҳамкориҳои кишварҳои ИДМ ва ҳалли масоили дар бахши иқтисод ва дигар соҳаҳо вуҷуд дошта нақш мебозанд, гуфт: Ассамблеи байнипарлумонии кишварҳои узви ИДМ, Ассамблеяи байнипарлумонии давлатҳои узви СААД ва Иттиҳоди иқтисодии байнипарлумонии АвруОсиё мақомоти баландпояе дар доираи ИДМ буда, дар тақвияти ҳамкориҳои мутақобилан судманд, ҳалли масоили вобаста ба ҳамкориҳои иқтисодию иҷтимоӣ, бо ҳам наздик намудани робитаҳою ҳамоҳангсозӣ ва мутобиқнамоии қонунҳо нақши муассир мебозанд. Исмоил Талбаков афзуд, ки ниҳодҳои байнипарлумонӣ тавонистаанд риштаҳои гусастаи робитаҳои қаблиро байни кишварҳои ИДМ пайванд созанд ва ҳамчун муҳаррики пешбаранда мақоми шоиста доранд.
Дар ноҳияи Ховалинг дар 8 гектар боғи хуч бунёд карда шуд
Тоҷикистон ва Индонезия чорабиниҳои дарпешистода дар соҳаи дипломатияи обиро баррасӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Донишгоҳи давлатии Бохтар бо вакилон вохӯрӣ баргузор гардид
Бо фаъолону сокинони Ҷамоати деҳоти Даҳанаи ноҳияи Ёвон вохӯрии судманд доир гардид
Доир ба истифодаи самараноки замин ва нақши он дар таъмини амнияти озуқаворӣ машғулияти такмили ихтисос оғоз ёфт
«ИЛМ-ФУРӮҒИ МАЪРИФАТ». Дар Донишгоҳи техникии Тоҷикистон ғолибони даври аввали озмун қадрдонӣ шуданд
«КОРВОНИ КИТОБ». Он имрӯз ба шаҳри Бохтар расид
Пагоҳ дар ноҳияи Восеъ мусобиқаи гӯштини миллӣ баргузор мегардад
Бар асари бориши зиёд ва фурӯравии замин роҳи мошингарди Восеъ-Ховалинг баста шуд
Завқӣ Завқизода аз Президенти Гурӯҳи Бонки Исломии Рушд дархост намуд, ки ба соҳаҳои афзалиятноки иқтисоди Тоҷикистон маблағгузориро афзоиш диҳад
Дар ноҳияи Варзоб вобаста ба ҷалби ҷавонон ба сафи Артиши миллӣ вохӯрӣ доир шуд
