Ҳамкориҳо бо GIZ вусъат меёбанд
Душанбе, 25 май. (АМИТ «Ховар», Покиза Маҳмадбекова). — Имрӯз дар Вазорати рушди иқтисод ва савдои Ҷумҳурии Тоҷикистон ҷиҳати ривоҷи робитаҳо бо Ҷамъияти олмонӣ доир ба ҳамкориҳои байналмилалӣ (GIZ) мизи мудаввар баргузор гардид. Дар кори он аз ҷониби Тоҷикистон вазири рушди иқтисод ва савдо Шариф Раҳимзода, намояндагони вазорату идораҳои марбута ва аз ҷониби Ҷумҳурии Федеролии Олмон ҳайати Ҷамъияти олмонӣ доир ба ҳамкориҳои байналмилалӣ таҳти роҳбарии хонум Каринна Кузел ширкат варзиданд. Дар мизи мудаввар асосан масъалаҳои рушди иқтисодии бахши кишоварзӣ дар Тоҷикистон, шартҳои вижа ва маблағгузории рушди бахши хусусӣ дар кишвар мавриди баррасӣ қарор гирифтанд.