Ҳисоботи миллӣ доир ба рушди инсон

Душанбе, 14 май. (АМИТ «Ховар», Музаффари Рустам). — Дар шаҳри Душанбе муаррифии расмии ҳисоботи миллӣ доир ба рушди инсон 2011: «Тоҷикистон: институтҳо ва рушд», ки ба масоили нерӯи институтсионалӣ дар мавриди рушди инсонӣ бахшида шудааст, баргузор гардид. Мақсади асосии лоиҳа пешбарии консепсияи рушди инсонӣ дар ҳамаи сатҳҳо ва хосса дар байни ашхосе, ки қарор қабул мекунанд, мебошад, то ки он ҳамчун заминаи маҳакҳои асосӣ барои муколамаи иҷтимоӣ ва таҳияи сиёсати иҷтимоиву иқтисодии Тоҷикистон тасдиқ ва эътироф гардад. Ҳисоботи миллӣ аз тарафи гурӯҳи мушовирони соҳаҳои идораи давлатӣ, бахши воқеии иқтисодиёт, иҷтимоиёт ва ҳифзи муҳити зист мураттаб гардидааст.Дар айни замон Тоҷикистон аз рӯи шохиси рушд тибқи ҳисоботи глобалӣ доир ба рушди инсонии соли 2011 дар байни 187 кишвар дар ҷойи 112 меистад. Ҷумҳурии Тоҷикистон дар ин мавқеъ пеш аз ҳама ба шарофати ҳифзи стандартҳои баланд дар соҳаи маориф ва нисбатан дарозии умри миёнаи мардону занон қарор дорад.